ئەنجوومەنی ئاسایش بڕیاریدا کۆتایی بە ئەرکەکانی یونامی لە عێراق بهێنێت

ئاڤا نیوز

 

ئەنجوومەنی ئاسایشی نێودەوڵەتی بڕیاریدا لە کانوونی یەکەمی 2025  کۆتایی  بە ئەرکەکانی یونامی لە عێراق بهێنێت.

 

وێنە گەورەکە: هەشتی ئەم مانگە، سەرۆکوەزیرانی عێراق لە نامەیەکیدا بۆ سکرتێرى گشتیی نەتەوە یەکگرتووەکان، داوای کرد تا کۆتایی ساڵی 2025 ئەرکەکانی یونامی لەو وڵاتە کۆتایی پێ بهێنرێت، ئەمڕۆ ئەنجوومەنی ئاسایشی نێودەوڵەتی دەنگی لەسەر کشانەوەی یونامی لەو وڵاتەدا.

 

ڕاگەیێنراوی فەرمی: ئەمڕۆ ئەنجوومەنی ئاسایشی نێودەوڵەتی بەکۆی دەنگ بڕیاریدا 19 مانگی دیکە تەمەنی مانەوەی "یونامی" لە عێراق درێژبکاتەوە و لە 31-12-2025، ئەرکەکانی یۆنامی لەو وڵاتە بەتەواوی کۆتایی پێ بێت.

 

ئەوەی پێویستە بیزانیت: یونامی نێردەیەکی سیاسیە، لە ساڵی 2003 لەسەر داوای عێراق بە بڕیاری ئەنجوومەنی ئاسایشی نێودەوڵەتی دامەزراوە، کاری یارمەتیدان و ڕاوێژکاری بۆ حکومەتی عێراق ئەنجام دەدات، ساڵانەش کارەکانی نوێ کراوەتەوە.