ئەمریکا داوا دەکات قەتەر گوشاری زیاتر لە حەماس بکات

ئاڤا نیوز

بەرپرسانی ئەمریکا داوایان لە قەتەر کردووە، گوشاری زیاتر بخەنە سەر حەماس تا بە پڕۆژەی ئاگربەستی غەززە ڕازی ببن.

وێنە گەورەکە: قەتەر وەک گوشارێک هەڕەشەی ئەوەی لە بەرپرسانی حەماس کردووە، ئەگەر پڕۆژەی ئاگربەست پەسەند نەکەن ئەوا لەو وڵاتە دەریان دەکات.

 

ئەوەی پێویستە بیزانیت: ئەمریکا داوای کردووە قەتەر ئەو هەڕەشەیەی خۆی لە حەماس بە فەرمی ڕابگەیێنێت تا گوشارەکانی زیاتر ببن و حەماس بە ئاگربەست ڕازی ببێت. 

زانیاریی زیاتر: هێشتا حەماس بە فەرمی وەڵامی پڕۆژەی ئاگربەستەکەی نەداوەتەوە و یەحیا سنوار سەرۆكی حەماس لە غەززە دوو مەرجی خستووەتەڕوو، یەكێكیان ئەوەیە ئاگربەستی یەكجاری ڕابگەیێنرێت و دووەمیش ئەوەیە بەهیچ شێوەیەك چەك دانانێن.

باكگراوند: هەرچەندە گفتوگۆی نێوان ئیسرائیل و حەماس لەڕێگەی نێوەندگیرەوە بەردەوامە و ئەمریكا و میسر هەوڵی ئاگربەست لە غەززە دەدەن، بەڵام بۆردوومانی ئیسرائیل بۆسەر كەرتی غەززە لە فەڵەستین بەردەوامە و تائێستا زیاتر لە 36 هەزار و 500 كەس كوژراون.