یەکێک لە گەورەترین پڕۆژەکانی هەرێمی کوردستان لە ئاکرێ دەکرێتەوە

ئاڤا نیوز

 

بڕیارە لەم ھەفتەیەدا، سەرۆكوەزیران بارزانی بەردی بناغەی پڕۆژەی بازاڕی سەوزە و میوە لە قەزای ئاکرێ دابنێت.

 

بۆچی گرنگە: پڕۆژەی بازاڕی سەوزە و میوەی ئاکرێ، 22 ملیۆن دۆلاری بۆ تەرخان کراوە، کاریگەریی دەستبەجێی لەسەر ساغکردنەوەی بەربوومی جووتیاران دەبێت.

 

لێدوانی فەرمی: دلاوەر بووزۆ، قایمقامی قەزای ئاکرێ بە ئاڤا نیوزی ڕاگەیاند: "ڕۆژی سێشەممە 11-6-2024، سەرۆکوەزیران بارزانی بەردی بناغەی پڕۆژەی بازاڕی هاوچەرخی سەوزە و میوە لە قەزاکەماندا دادەنێت، بازاڕەکە یەکێک لە فراوانترین پڕۆژەکانی هەرێمی کوردستان دەبێت". 

 

زانیاریی زیاتر: 30% بۆ 40%ـی کارەکانی پڕۆژەکە تەواو کراون، وابڕیارە تاوەکو دوو ساڵی ئایندە تەواو بکرێت.