سەرۆکوەزیران بارزانی: ڕێگە بە هاوردەکردنی ئەو بەرهەمانە نادەین کە لە هەرێمی کوردستان هەن

ئاڤا نیوز

 

سەرۆکوەزیران بارزانی ڕایگەیاند، ڕێگە بە هاوردەکردنی ئەو بەرهەمانە نادەن کە لە هەرێمی کوردستان هەن.

 

وێنە گەورەکە: ئەمرۆ لە ئاکرێ سەرۆکوەزیران بارزانی، بەردی بناغەی دووەم گەورەترین عەلوەی لەسەر ئاستی هەرێمی کوردستان و عێراق دانا.

ئەوەی پێویستە بیزانیت: پرۆژەکە بە گوژمەی 22 ملیۆن دۆلار لەسەر ڕووبەری 245 هەزار مەتر دووجا دروست دەکرێت.

 

لێدوانی فەرمی: سەرۆکوەزیران بارزانی لە گوتارێگدا لە ئاکرێ ڕایگەیاند: "ئێمە زۆر گرنگیمان بە کەرتی کشتوکاڵی داوە، ڕێگە بە هاوردەکردنی ئەو بەرهەمانە نادەین کە لە هەرێمی کوردستاندا هەن، ئێمە هەموو هەوڵێک دەدەین بۆ ئەوەی بازاڕ بۆ بەرهەمی جووتیارانی هەرێمی کوردستان بدۆزینەوە".

زانیاریی زیاتر: "گوتیشی هەندێک جووتیار گازندەی ئەوە دەکەن لە بەشێک لە سنوورەکانەوە بەرهەم بە نایاسایی دێتە هەرێمی کوردستانەوە، هەموو هەوڵێک دەدەین بۆ ئەوەی بازاڕ بۆ بەرهەمی جووتیارانی هەرێمی کوردستان بدۆزینەوە".