لە دوو ڕۆژدا 75 هەزار گەشتیار هاتوونەتە سلێمانی

ئاڤا نیوز

 

ناوچە گەشتییارییەکانی سلێمانی جمەیان دێت، بەڕێوەبەرایەتیی گەشتوگوزاری سلێمانی دەڵێت، زیاتر لە 75 هەزار کەس هاتوونەتە سلێمانی.

 

وێنە گەورەکە: ساڵانە بەهۆی بەرزبوونەوەی پلەی گەرما لە شارەکانی ناوەڕاست و خوارووی عێراق و کەشی فێنکی ناوچە گەشتیارییەکانی هەرێمی کوردستان، لە جەژن و بۆنەکان ژمارەیەکی زۆری گەشتیار ڕوو لە هەرێمی کوردستان دەکەن.

 

لێدوانی فەرمی: ئارام شوانی، گوتەبێژی بەڕێوەبەرایەتیی گشتوگوزاری سلێمانی بە ئاڤا نیوزی گوت: ئەو ئامارەی خراوەتەڕوو تەنیا ڕۆژانی عەرەفە و یەکەم ڕۆژی جەژنی قوربانە و پێشبینی زیادبوونی ئەو ژمارەیە دەکەین.

 

زانیاریی زیاتر: 90%ـی ئەو گەشتییارانە لە پارێزگاکانی ناوەڕاست و خوارووی عێراق هاتوونەتە سلێمانی، ئەوانەی دیکە لە ئێرانەوە لە ڕێگەی دەروازەوەکانەوە هاتوونەتە ناوەوە.

 

باکگراوند: لە سنووری پارێزگای سلێمانی هەزار و 600 شوێنی گەشتیاری و هۆتێل ناویان تۆمارکراوە، لەو ژمارەیە 480-یان هۆتێلن.