ئەم هەفتەیە بەنداوی چەمرگە دەکرێتەوە

ئاڤا نیوز

بڕیارە ئەم هەفتەیە بە فەرمی بەنداوی چەمرگە بکرێتەوە، دەبێتە سەرچاوەیەکی گرنگی بوژانەوەی کشتوکاڵی لە پارێزگای هەولێر.

وێنە گەورەكە: بەنداوی چەمرگە، یەکێکە لە پڕۆژە ستراتیژیەکانی حکومەتی هەرێمی کوردستان، کۆگاکردنی سامانی ئاو دەگەینێتە قۆناغێکی دیکە. 

لێدوانی فەرمی: ڕەحمان خانی، بەڕێوەبەری گشتی بەنداوەکانی هەرێمی کوردستان بە ئاڤا نیوزی گوت: لەم هەفتەیە بەنداوی چەمرگە بەشێوەیەکی فەرمی دەکرێتەوە و ئەمساڵ سەرڕێژ بووە.

بۆچی گرنگە:بەنداوەکە ناوچەی وشکانی ئەم ناوچەیە بەتەواوی دەبوژێنێتەوەو کاریگەرییەکانی لافاو لەسەر هەولێر کەمدەکاتەوە، هاوکات دەبێتە ناوچەیەکی گەشتیاری. ڕەحمان خانی وای گوت.

ئەوەی پێویستە بیزانیت: تێچووی بەنداوەکە چوار ملیار و 300 ملیۆن دینارە، توانای کۆگاکردنی یەک ملیۆن و 110 هەزار مەتر سێجا ئاوی هەیە.