پارە بۆ کێشەی کەمئاوی لە هەولێر تەرخانکرا

ئاڤا نیوز

پارێزگای هەولێر کۆبوونەوەیەکی تایبەتی بۆ چارەسەرکردنی کێشەی کەمئاوی گەڕەکەکانی هەولێر ئەنجامدا، چەند بڕیارێکیان داوە و زیاتر لە ملیارێک دیناریش تەرخانکراوە.

وێنە گەورەکە: ساڵانە لەگەڵ دەستپێکی وەرزی هاوین کێشەی کەمئاوی لەبەشێکی گەڕەکەکانی هەولێر دروست دەبێت، کۆبونەوەکەی ئەمڕۆ بۆ کەمکردنەوەی ئەو گرفتە بووە.

لێدوانی فەرمی: نەبەز عەبدولحەمید، قایمقامی هەولێر بە ئاڤا نیوزی گوت: ئەو گەڕەکەی بێ ئاو بێت کێشەی کەمی کارەبای نیشتمانی لە بیرەکانیان هەیە، بڕیاردراوە ئەو گەڕەکانە کارەبای 24 کاتژمێریان لەڕێگەی کارەبای نیشتمانی و مۆلیدەی ئەهلییەوە بۆ دابینبکرێت کە ژمارەیان 247 بیرە.

زانیاریی زیاتر: لە کۆبوونەوەکەی دوێنێ، ملیارێک و 500 ملیۆن بۆ کێشەی کەمئاوی هەولێر تەرخانکراوە.

باکگراوند: لە پارێزگای هەولێر هەزار و 400 بیر هەن، ماوەی چوار ساڵە بەرنامەی بەستنەوەی کارەبای بیرەکان بە مۆلیدە ئەهلیەکان لەهەولێر جێبەجێ دەکرێت.