بڕیارەکانی ئەنجوومەنی پارێزگای نەینەوا هەڵپەسێردران

ئاڤا نیوز

 

ئه‌نجومه‌نی وه‌زیرانی عێراق بڕیاره‌كانی ئه‌نجومه‌نی پارێزگای نه‌ینه‌وای سه‌باره‌ت به‌ گۆڕانکاریی لە یه‌كه‌ ئیدارییه‌كانی پارێزگاکه‌ ڕاگرت.

 

وێنه‌ گه‌وره‌كه‌: بەپێی نووسراوێكی فەرمیی سه‌رۆكایه‌تیی ئه‌نجوومه‌نی وه‌زیرانی عێراق - ده‌سته‌ی باڵای رێكخستنی پارێزگاكان كه‌ کۆپییەکی دەست ئاڤا نیوز کەوتووە، داوای ڕاگرتنی بڕیاره‌كانی ئه‌نجوومه‌نی پارێزگای نه‌ینه‌وا  كرد سه‌باره‌ت به‌و گوڕانكارییانه‌ی كردی له‌ یه‌كه‌ ئیدارییه‌كانی پارێزگاكه‌.

 
لێدوانی فه‌رمی: شێروان دووبەردانی، ئەندامی ئەنجوومەنی نوێنەرانی عێراق بۆ ئاڤا نیوز: بەگوێرەی یاسا دەبێت بەربژێران بۆ وەرگرتنی پۆستە ئیدارییەکان لەلایەن پارێزگاری نەینەوا پێشکەش بکرێن، نەوەک ئەنجوومەنی پارێزگا، بۆیە جێبەجێکردنی بڕیاری دیاریکردنی پۆستە نوێیەکان نەینەوا ڕادەگیرێت، تاوەکو دواتر ئه‌نجوومه‌نی دادوه‌ری بڕیاری هەڵوشاندنەوە لەبارەی بڕیارەکانی ئەنجوومەنی پارێزگای نەینەوا دەردەکات.

 

زانیاریی زیاتر: ئەنجوومەنی پارێزگای نەینەوا بەبێ فراکسیۆنی پارتی کۆبووەوە و گۆڕانکاری لە 14 پۆستی کارگێڕی لە پارێزگای نەینەوا کرد.