بە هۆی شەڕی تورکیا و پەکەکە 182 خێزان لە سنووری دهۆک ئاوارەبوون

ئاڤا نیوز

بە هۆی شەڕی نێوان سوپای تورکیا و پەکەکە، لە ماوەی 15 مانگی ڕابردوودا 182 خێزانی سنووری پارێزگای دهۆک ئاوارە بوون و بە نزیکەیی مەترسی لەسەر زیاتر لە 600 گوندی پارێزگای دهۆک هەیە.

وێنە گەورەکە: چەند ساڵێکە بەهۆی شەڕی نێوان سوپای تورکیا و چەکدارانی پەکەکە، زیانی زۆر بەر گوندنشینانی ناوچە سنوورییەکانی هەرێمی کوردستان دەکەوێت.

لێدوانی فەرمی: کامەران عوسمان، ڕێکخەری تیمی کوردستانی ڕێکخراوی CPTی ئەمریکی بە ئاڤا نیوزی گوت: لەماوەی 27 ڕۆژدا 285 بۆردوومانی تورکیا لە ناوچە سنوورییەکانی پارێزگای دهۆک تۆمارکراون و بەو هۆیەوە 182 خێزان لەو ناوچانە ئاوارە بوون.

زانیاریی زیاتر: کامەران مەلا عوسمان دەڵێت: سوپای تورکیا لەسەر چیای شەکیف بنکەیەکی نوێی سەربازی کردووەتەوە، نیوەڕۆی ئەمڕۆ هەینی لەنزیک چیاکە، سوپای تورکیا بۆردوومانی کردووەو هاوڵاتییەک بەناوی "نێچیروان حەکیم" بریندار بووە.

ئەوەی پێویستە بیزانیت: بەگوێرەی ئاماری ڕێکخراوی CPT، بەهۆی ئاڵۆزییەکانەوە مەترسی لەسەر 602 گوندی ناوچە سنوورییەکان دروست بووە، هاوکات لە سنووری پارێزگای دهۆک تا ئێستا 65 هەزار دۆنم زەوی سووتاون.