لە ئیتاڵیا بەهۆی بەرزبوونەوەی پلەی گەرما چوار کەس گیان لەدەست دەدەن

ئاڤا نیوز

 

پلەی گەرمی ئیتاڵیا بە ڕادەیەک بەرزبووەتەوە، حکومەتی وڵاتەکە "زەنگی ئاگادارکردنەوەی سوور"ـی بۆ 13 پارێزگای ئیتاڵیا دەرکرد، داواش لە خەڵکی دەکرێت لە ماڵەکانیان بمێننەوە.

 

وێنە گەورەکە: ماوەی چەند هەفتەیەکە پلەی گەرمی شارەکانی ئیتاڵیا بەرزبووەتەوە، بە تایبەت شارەکانی باکووری ئەو وڵاتە پلەی گەرمی 40 پلەی تێپەڕاندووە، ئەمەش بەهۆی کاریگەریی ئاو و هەوای ئەفریقیایە کە بە ئاسمانی وڵاتەکەدا تێپەر دەبێت.

 

بڵاوکراوەی فەرمی: بە گوێرەی هەواڵێکی ڕەین نیوز تاوەکو ئێستا چوار کەس گیانیان لەدەستداوە؛ پیاوان و کەسانی بەتەمەن لە ڕیزبەندی پێشەوەی ئەو کەسانەن کە بەهۆی گەرماکەوە تووشی زەحمەتی بوونە.