ژنێک دوای 43 ساڵ لە مانەوەی لە زیندان، بێتاوان دەرچوو

ئاڤا نیوز 

ژنێکی ئەمریکی دوای 43 ساڵ مانەوە لە زیندان بە تۆمەتی کوشتن، بەبێ تاوانی ئازاد کرا. 

 

وێنە گەورەکە: ساندی هێمی، دانیشتووی ئەمریکایە، لە ساڵی 1980 بە تۆمەتی کوشتن، سزای زیندانی هەتا هەتایی بۆ دەردەچێت، دوای نزیکەی 43 ساڵ مانەوە لە زیندان دەرکەوت بێ تاوانە و ئەمڕۆ ئازاد کرا.

زانیاریی زیاتر: داواکاری گشتی ئەمریکا داوای کردبوو ئەو ژنە لە بەندیخانە بمێنێتەوە، چونکە بە گوتەی ئەوان مەترسیی بۆ سەر خەڵکی دیکە هەیە، بەڵام دادگە پێچەوانەی داواکاری گشتی بڕیاری دا و ڕایگەیاند، ساندرا قوربانییەکی ئاشکرای نادادپەروەرییە و دەبێت ئازاد بکرێت.

 

باکگراواند: ساندرا تۆمەتبار بووە بەوەی ساڵی 1980 بە چەقۆ کارمەندێکی کتێبخانەی کوشتووە. هەروەها ساڵی 1996، ئەو کاتەی لە بەندیخانە بووە پەلاماری کارمەندێکی بەندیخانەکەی داوە و لەو ساڵەشدا بە 10 ساڵ بەندکردن سزا دراوە.