عێراق و تورکیا جەخت لە جێبەجێکردنی ڕێککەوتنە ئەمنییەکانی نێوانیان دەکەنەوە

ئاڤا نیوز

 

ڕاوێژکاری ئاسایشی نیشتمانی عێراق و باڵیۆزی تورکیا لە بەغدا، جەختیان لە پتەوکردنی پەیوەندییەکانی نێوانیان لە هەموو ئاستەکان بەتایبەتی لە بواری ئەمنیدا کردەوە.

 

وێنە گەورەکە: تورکیا و عێراق زیاتر لە 20 یاداشتنامەی لێکتێگەیشتنیان واژووکردووە لە میانەی سەردانی سەرۆککۆماری تورکیا بۆ عێراق، لە مانگی نیسانی ئەمساڵ.

 

چیرۆکی سەرەکی: ڕۆژی یەکشەممە 1-9-2024 قاسم ئەعرەجی، ڕاوێژکاری ئاسایشی نیشتمانیی عێراق و ئانڵ بۆرا ئینان، باڵیۆزی تورکیا لە بەغدا کۆبوونەوە.

 

ڕاگەیێنراوی فەرمی: نووسینگەی ڕاگەیاندنی ڕاوێژکاری ئاسایشی نیشتمانی ڕایگەیاند: لە میانی دیدارەکەدا ڕێککەوتن لەسەر ئەوە کراوە هەموو هەوڵەکان بخرێتەگەڕ، بۆ تێپەڕاندنی ئاستەنگەکان بەمەبەستی جێبەجێکردنی ئەو ڕێککەوتنانەی کراون کە لە بەرژەوەندی هاوبەشی هەردوو وڵاتە.