لە ئەمریکا، خۆپیشاندانی پشتیوانی لە غەززە بەڕێوەدەچێت

ئاڤا نیوز

 

لە شاری نیویۆرکی ئەمریکا، خۆپیشاندانێکی فراوان بۆ پاڵپشتیی لە خەڵکی غەززە لە دژی هێرشی ئیسرائیل بۆ سەر ئەو کەرتە بەڕێوە چوو.

 

وێنە گەورەکە: خۆپیشاندانەکە لە کاتێکدایە کە سەرانی وڵاتانی جیهان بۆ بەشداریی لە 79ـیەمین خولی کۆمەڵەی گشتیی نەتەوە یەکگرتووەکان لەو شارە ئامادەن.

 

زانیاریی زیاتر: خۆپیشاندەران داوای ڕاگرتنی دەستبەجێی شەڕیان کردووە، هەروەها ڕەخنەیان لە حکومەتی ئیسرائیل دەگرت بەوەی درێژە بە شەڕ دەدات.

 

ئەمەش بزانە: خۆپیشاندەران چەند درووشمێکیان بەرز کردبوونەوە؛ لەوانە: "نەتانیاهۆ، تۆ ترسنۆکی، ئێمەی خەڵک بەهێزین" و "لە ڕووبارەوە تا دەریا، فەلەستین ئازاد دەبێت."