باران ژینگەی هەولێر پاک دەکاتەوە

ئاڤا نیوز

 

بەگوێرەی ئەو ماڵپەڕانەی پێوانەی کوالێتی هەوا دەکەن، ئەو شەپۆلە بارانەی دوێنێ ڕووی لە ناوچەکە کردووە، بووەتە مایەی خێر بۆ ژینگەی شاری هەولێر و بە ئاستێکی باش ژینگەی شارەی پاک کردوووەتەوە.

 

وێنە گەورەکە: بەهۆی زۆربوونی ژمارەی ئۆتۆمبێل، پاڵاوگەی نایاسایی و مۆلیدەی گەڕەکەکان ئاستی کوالێتی هەوای هەولێر بەڕادەیەکی زۆر پیسبووە.

 

زانیاریی بەدەستهاتوو: ماڵپەڕی IQAir بۆ پێوانەی کوالێتی هەوا دەریدەخات بەیانی ئەمڕۆ شەممە ڕێژەی دەنۆڵکە ڕەقە زینبەخشەکان لە هەوای هەولێر 35 پلەی تۆمارکردووە، ئەمەش ڕێژەیەکی باشە و تەندروستە، لە کاتێکدا دوێنێ هەینی بەر لەوەی باران بارین دەستپێبکات ئەم ڕێژەیە 71 پلە بووە، واتا مامناوەند. لە وەرزی هاویندا ئەم ڕێژەیە تا 180 تێپەڕی دەکرد.

 

ئەوەی پێویستە بیزانیت: پێوانەی کوالێتی هەوا بەمجۆرە دابەش دەبێت؛ ئەگەر ڕێژەکەی لە نێوان ژمارە یەک بۆ 50 بوو گونجاوە، لە ژمارە 51 بۆ 100 مامناوەندە، لە 101 بۆ 150 گونجاو نییە بۆ ئەوانەی هەستیاری یان هەناسەتەنگیان هەیە، لە 151 بۆ 200 ناتەندروستە و گونجاو نییە بۆ ژیان.