لە تەوێلە و بیارە پشوو درێژکرایەوە و لە چۆمانیش کرایە پشوو

شەیری بکە لە:
لە تەوێلە و بیارە پشوو درێژکرایەوە و لە چۆمانیش کرایە پشوو

دیمەنێکی شارەدێی تەوێڵە. وێنە - سۆشیاڵ میدیا

ئاڤا نیوز

بەهۆی دابەزینی پلەکانی گەرماوە پشوو لە ناحیەی بیارە و شارەدێی تەوێڵە درێژکرایەوە و لە چۆمانیش سبەی کرایە پشوو.

ڕاگەیێنراوی فەرمی: لەسەر پێشنیازی ئازاد تۆفیق پارێزگاری هەڵەبجە، بەهۆی شەپۆلی بەفر و باران بارین و نزمبوونەوەی پلەکانی گەرما لە ناوچەی هەورامان، بڕیار درا سبەینێ 24ـی شوباتی 2025 پشووی ڕەسمی بێت لە سنووری ناحیەی بیارە و تەوێڵە و گوندەکانیان.

زانیاریی زیاتر: بەپێی بڕیارەکە، پشووەکە سەرجەم دامەزراوەکانی حکومەت و قوتابخانە و باخچەکانی سنووری ناحیەکە دەگرێتەوە، بەڵام ئەو خوێندکارانە ناگرێتەوە کە تاقیکردنەوەی تەمهیدیان هەیە و لە دەرەوەی ناحیەکە ئەنجامی دەدەن.

لە لایەکی دیکەوە:
بەهۆی دابەزینی پلەی گەرما کە ئەمشەو لە ناحیەی حاجی ئۆمەران دەگاتە 17 پلە ژێر سفر و چۆمان دەگاتە 14 ژێر سفر لەسەرجەم دام و دەزگاکانی سنوری قەزای چۆمان کرایە پشوو. 

ئەحمەد بارزان قائیمقامی قەزای چۆمان تایبەت بە ئاڤا میدیای ڕاگەیاند : پلەکانی گەرما زۆر دادەبەزن بۆ سەلامەتی فەرمانبەران و قوتابییان بڕیارماندا بەیانی ڕۆژی دووشەممە لە سەرجەم دام و دەزگاکانی سنوری قەزای چۆمان بکرێتە پشوو.

زیاتر لەسەر ئەم بابەتانە بکۆڵەرەوە

شەیری بکە لە:

دوایین هەواڵەکان

هەڵبژاردەکان بۆ تۆ