هێڵە فریاگوزارییەکانی سلێمانی لەکار کەوتن

ئاڤا نیوز

هێڵە فریاگوزارییەکانی سلێمانی لەکار کەوتن و پۆلیسی سلێمانی هۆکارەکەی بۆ ئاڤا ئاشکرا دەکات.

چیرۆکی سەرەکی: ئەمرۆ شەممە 3-5-2025، هەردوو هێڵی گەرمی بەشی پۆلیسی فریاکەوتن ژمارە 104 و بەشی پۆلیسی نەهێشتنی تاوان ژمارە 105 لەکار کەوتن، بەڕێوەبەرایەتیی پۆلیسی سلێمانیش داوایەک ئاراستەی هاووڵاتیان دەکات.

لێدوانی فەرمی: سەرکەوت ئەحمەد، وتەبێژی پۆلیسی سلێمانی بە ئاڤا میدیای گوت: کێشەیەکی تەکنیکی لەم دوو هێڵە دروست بووە و تیمەکان سەرقاڵی چاککردنەوەن، لە چەند کاتژمێری داهاتووشدا کێشەکە چارەسەر دەکرێت.

ئەوەی پێویستە بیزانیت: لەکاتی بوونی هەر ڕووداوێک، هاووڵاتیان دەتوانن پەیوەندیی بە سەنتەری هەماهەنگی ڕێکخەری پەیوەندییەکان ژمارە 100 یان ژمارە تەلەفۆنی ئێشکگری بەڕێوەبەرایەتیی پۆلیسی پارێزگای سلێمانییەوە بکەن 0533193148.