عێراق هەڵوێستی خۆی لەبارەی سەپاندنی باجی گومرگی لەلایەن ئەمریکاوە ڕادەگەیێنێت
- هەواڵ
- 17 کاتژمێر لەمەوپێش

دۆناڵد ترەمپ، سەرۆکی ئەمریکا لەکاتی ڕاگەیاندنی پێناسی گومرکی بەسەر بەشێک لە وڵاتان. وێنە؛ ئەرشیف AFP
ئاڤا نیوز
ڕاوێژکاری دارایی و ئابووریی سەرۆکوەزیرانی عێراق نامەکەی ترەمپ بۆ سوودانی بە ئاماژەیەکی "ئەرێنی" بۆ پتەوکردنی هاوبەشیی ئابووری لە قەڵەم دەدات، لە بەرامبەردا شارەزایان بە ئاماژەیەکی مەترسیدار بۆ لاوازیی ئابووریی عێراقی دەزانن.
چیرۆکی سەرەکی: ڕۆژی چوارشەممە 2025-07-09، دۆناڵد ترەمپ، سەرۆکی ئەمریکا، گەڕێکی نوێی سەپاندنی باجی گومرکی بە سەر ژمارەیەک وڵات، لە ناویشیاندا عێراق سەپاند، باجە گومرکییەکە بە ڕێژەی 30% لە سەر عێراق و ژمارەیەک وڵاتی دیکە بوو. هاوکات ترەمپ نامەیەکی ئاراستەی محەممەد شیاع سوودانی، سەرۆکوەزیرانی عێراق کردووە و تێیدا سەپاندنی باجە گومرکییەکەی پێ ڕاگەیاندووە.
لێدوانی فەرمی: مەزهەر محەممەد ساڵح، ڕاوێژکاری دارایی و ئابووریی سەرۆک وەزیرانی عێراق، ڕایگەیاند، نامەکەی ترەمپ ئاماژەیەکی ڕوونە بۆ خواستی واشنتن بۆ فراوانکردنی ئاسۆی هاوکاریی ئابووری و وەبەرهێنان لەگەڵ بەغدا، لە چوارچێوەی ڕێککەوتنی ستراتیژیی نێوان هەردوو وڵاتدا.
لە هەمان کاتدا: ساڵح ئاماژەی بەوە کرد کە هەڕەشەی سەپاندنی باج "لۆژیکی نییە"، چونکە هەناردەی سەرەکیی عێراق بۆ ئەمریکا تەنیا نەوتی خاوە (نزیکەی 4.5 ملیار دۆلار ساڵانە) کە لە بنەڕەتدا لە باجی گومرگی بەخشراوە. لە بەرامبەردا، عێراق ساڵانە بە بەهای نزیکەی 1.5 ملیار دۆلار کاڵا و خزمەتگوزاریی کوالێتی بەرز وەک ئامێری ئەندازیاری، فڕۆکە و تەکنەلۆژیای پێشکەوتوو لە ئەمریکا هاوردە دەکات.
بەتەنیشت ئەم بابەتەوە: بە بڕوای ساڵح، ئامانجی نامەکە هاندانی عێراقە بۆ زیادکردنی هاوردەی جۆری لە ئەمریکا، نەک سزادانی. هەروەها جەختی لەوە کردەوە کە عێراق نیوەی یەدەگی دراوی بیانیی خۆی لە قەواڵەکانی گەنجینەی ئەمریکادا وەبەرهێناوە، کە ئەمەش نیشانەی متمانەی قووڵی نێوان هەردوو وڵاتە و نامەکە دەبێت وەک دەرفەتێک بۆ بوونیادنانی هاوبەشییەکی بەرفراوانتر بخوێنرێتەوە.
لەلایەکی دیکەوە: نوار سەعدی، پسپۆڕی ئابووریی نێودەوڵەتی، هۆشداریی دا کە ئەم بڕیارە "نامەیەکی مەترسیدارە" و لاوازیی ئابووریی عێراق و پشتبەستنی تەواوی بە نەوت ئاشکرا دەکات. سەعدی پێشنیازی کرد عێراق سێ ڕێگە بگرێتەبەر، دەستپێکردنی گفتوگۆی دیپلۆماسی لەگەڵ واشنتن، هەمەجۆرکردنی بازاڕەکان و پتەوکردنی پەیوەندی لەگەڵ چین و تورکیا و داڕشتنی سیاسەتێکی بازرگانیی نیشتمانیی ڕوون بۆ پاراستنی بەرژەوەندییەکانی.
ئەوەی پێویستە بیزانیت: لە نامەکەی دۆناڵد ترەمپ، سەرۆکی ئەمریکا بۆ سوودانی، هۆشداریشی داوە، ئەگەر عێراق وەڵامی باجە گومرگییەکان بداتەوە، ئەو ڕێژەکە زیاتر دەبێت، چونکە ڕێژەی 30% باجی گومرگی لە ئاستی ئەو کورتهێنانە بازرگانییەدا کەمە.
زیاتر لەسەر ئەم بابەتانە بکۆڵەرەوە
دوایین هەواڵەکان
- کوردستان
- 5 کاتژمێر لەمەوپێش
درۆنێکی بۆمبڕێژکراو لە نزیک سەنگەرەکانی پێشمەرگە لە پردێ تێکشێکنرا
- بزنس
- 7 کاتژمێر لەمەوپێش
بەهای بیتکۆین ژمارەی پێوانەیی تۆمار دەکات
- عێراق
- 8 کاتژمێر لەمەوپێش
لە عێراق 245 بازرگانی نێودەوڵەتیی ماددەی هۆشبەر لەسێدارە دەدرێن
هەڵبژاردەکان بۆ تۆ
قسەی دڵی خەڵک لەبارەی مووچە؛ کاتی هەڵوێست و بڕیارە بەرامبەر بەغدا
11 کاتژمێر لەمەوپێش
ئاڤا چیرۆکی کۆچبەرێکی دیپۆرتکراوەی ڕێگای ئەورووپا لە لیبیاوە بڵاو دەکاتەوە
12 کاتژمێر لەمەوپێش
ڤێرتێرنەری دهۆك بەدواداچوون بۆ لەناوچوونی هەزاران ماسی لە ئاوی بەنداوی مووسڵ دەکات
15 کاتژمێر لەمەوپێش
هۆشداری لەبارەی خواردنی شیلکەوە دەدرێت
16 کاتژمێر لەمەوپێش
لە هەولێر دەست بەسەر چوار هەزار دانە بووكەڵەی لابووبوودا گیرا
16 کاتژمێر لەمەوپێش
- کوردستان
- 5 کاتژمێر لەمەوپێش
درۆنێکی بۆمبڕێژکراو لە نزیک سەنگەرەکانی پێشمەرگە لە پردێ تێکشێکنرا
- عێراق
- 8 کاتژمێر لەمەوپێش
لە عێراق 245 بازرگانی نێودەوڵەتیی ماددەی هۆشبەر لەسێدارە دەدرێن
- کوردستان
- 8 کاتژمێر لەمەوپێش
بەهۆی ئاگرەكەی قەرەداغ تەندروستیی دوو كارمەندی پۆلیسی دارستان تێكدەچێت
- هەواڵ
- 8 کاتژمێر لەمەوپێش
وەزارەتی پەروەردە ئامادەکاری بۆ ساڵی نوێی خوێندن دەکات