پارتەکەی مودی بۆ جاری سێیەم هەڵبژاردنەکانی هیندستان دەباتەوە

ئاڤا نیوز

 

پارتی بەهاراتیا جاناتا بە سەرۆکایەتیی نارێندرا مودی، سەرۆکوەزیرانی هیندستان و هاوپەیمانەکانی، زۆرینەی کورسییەکانی پەرلەمانیان بەدەستهێنا.

 

وێنە گەورەکە: بە گوێرەی ئامارە بەراییەکانی کۆمیسیۆن، هاوپەیمانیی مودی لە هەڵبژاردنە گشتییەکانی هیندستان، 272 کورسی لەکۆی 543 کورسیی پەرلەمان مسۆگەر کرد، بەمەش بۆ جاری سێیەم نارێندرا مودی، کورسیی سەرۆکوەزیرانی هیندستان دەباتەوە. 

 

لێدوانی فەرمی: نارێندرا مودی ڕایگەیاند: ئەمڕۆ رۆژێکی شکۆمەندە، هاوپەیمانیی نیشتمانیی دیموکراسی بۆ جاری سێیەم حکومەت پێکدەهێنێت.

 

ئەوەی ئێستا ڕوودەدات: پرۆسەی ژماردنی دەنگەکان لە چەند ناوچەیەکدا بەردەوامە، بەڵام ڕێژەیەکی کەمی ماوە.

 

ژمارەکان وا دەڵێن: پارتی کۆنگرێس کە گەورەترین پارتی ئۆپۆزیسیۆنە، 88 کورسی بەدەستهێناوە، پێشبینیش دەکرێت بە گشتی 99 کورسی بەدەستبهێنێت، بە بەراورد بەو 52 کورسییەی لە هەڵبژاردنی ڕابردوو بەدەستی هێنا.