لە هەولێر بەهۆی دەردانی گازی ژەهراوی 45 پاڵاوگەی لاوەکی نایاسایی دادەخرێن
- ژینگە
- 5 کانوونی یەکەم

ژمارەیەک کارمەندی ئەمنی لەکاتی داخستنی یەکێک لە پاڵاوگەکان
ئاڤا نیوز
حکومەتی هەرێمی کوردستان بۆ کەمکردنەوەی مەترسییەکانی پیسبوونی هەوا، بە کرداری هەنگاو دەنێت و بڕیار دەات 45 پاڵاوگەی لاوەکی نایاسایی دابخات کە بوونەتە ژەهر بۆ ژیانی خەڵک.
وێنە گەورەکە: حکومەتی هەرێمی کوردستان کەیسی پیسبوونی ژینگە و بەرەنگاربوونەوەی گۆڕانکارییەکانی ئاو و هەوای بەجددی وەرگرتووە. زۆر باس لە پیسی هەوای هەولێر دەکرێت و بەردوامیش بۆنێکی ناخۆش لە بەشێکی شار بڵاودەبێتەوە، کە هۆکاری سەرەکی دووکەڵ و پاشماوەی پاڵاوگە نایاساییەکانە، ئەمەش یەکێک لە هۆکارە سەرەکییەکانی تووشبوون بە شێرپەنجەیە، بەتایبەت شێرپەنجەی سییەکان.
ئەوەی پێویستە بیزانیت: ژمارەی پاڵاوگە نایاساییەکان لە هەرێمی کوردستان نزیکەی 200 پاڵاوگەیە و زیاتر لە 100 یان دەکەونە سنووری هەولێر، لە مەخموور و گوێڕ و قوشتەپە. بەشێک لەوانە پاڵاوگەی لاوەکییان بۆ بەرهەمهێنانی گازوایلی کواڵیتی نزم دروست کردووە، واتە پاڵاوگە لەناو پاڵاوگە. بەڕێوەبەرایەتیی ئاسایشی هەولێر لە ڕاگەیێنراوێکدا دەڵێت، ئەو پاڵاوگە لاوەکییانە گازی ژەهروای زیانبەخشیان دەرداوە.
لێدوانی فەرمی: وەک هەنگاوی یەکەم ئێستا لیژنەیەكی تایبەتمەند هەڵمەتی داخستنی ئەو پاڵاوگانەی لە سنووری شارۆچكەی گوێڕ دەستپێکردووە. سەرچاوەیەكی تایبەت لەو هێزە ئەمنییەی ئەركی داخستنی پاڵاوگەنیان پێ سپێردراوە، بە ئاڤا نیوزی ڕاگەیاند، لیژنەکە هاوبەشە و لە فەرمانگەی ژینگە و ئاسایش و قایمقامیەت پێكهاتووە، 10 ڕۆژ پێش ئێستا سەردانی ژمارەیەكی زۆر لە پاڵاوگە نایاساییەكانی سنووری گوێڕیان كردووە و مۆڵەتی 10 ڕۆژیان بە 45 پاڵاوگە داوە كە دایبخەن.
زانیاریی زیاتر: ئەمڕۆ مۆڵەتە 10 ڕۆژییەكە كۆتاییهاتووە و لیژنەکە سەردانی پاڵاوگەكانیان كردووەتەوە، لە كۆی 45 پاڵاوگە نۆ خاوەن یاخود سەرپەرشتیاری پاڵاوگەیان دەستگیر کردوون، هەر نۆ پاڵاوگەکەیان داخستوون و بەپێی یاسا مامەڵە لەگەڵ خاوەنەکانیان دەکرێت.
هەنگاوی داهاتوو: 35 پاڵاوگەی دیكەی نایاسایی لە سنوورەكە ماون و لە ڕۆژانی داهاتوودا لیژنەكە سەردانیان دەكات و سەرجەمیان دادەخات. داخستنەکە چۆنە، سەرەتا تەنیا پاڵاوگە لاوەکییەکان، واتە بچووکەکان دادەخرێن، پاڵاوگە گەورەکە هەر دەمێنێتەوە، لە هەنگاوی دووەمدا ئەگەر ئەوانیش پابەندی ڕێنماییەکان نەبن دادەخرێن.
باکگراوند: چەند مانگێک پێش ئێستاش بڕیاری داخستنی پاڵاوگەکان درا، ژمارەیەک لە پاڵاوگەکان چەند ڕۆژێک داخران و دواتر کرانەوە، بەڵام وەک سەرچاوەکەی ئاڤا وتی، ئەمجارە داخستنەکە جددییە و ناکرێنەوە.
زیاتر لەسەر ئەم بابەتانە بکۆڵەرەوە
دوایین هەواڵەکان
- کوردستان
- 4 خولەک لەمەوپێش
کارەبای پڕۆژەی ڕووناکی گەیشتە 26 گەڕەکی دیکەی دهۆک
- هەواڵ
- 35 خولەک لەمەوپێش
"جەللادەکە"ـی بەندینخانەی "نوگرە سەلمان"ـی سەردەمی بەعس دەستگیر کرا
- جیهان
- 57 خولەک لەمەوپێش
کەمبۆدیا ترەمپ بۆ وەرگرتنی خەڵاتی نۆبڵی ئاشتی کاندید دەکات
- عێراق
- 1 کاتژمێر لەمەوپێش
لە دوو دەروازەی عێراق هەزاران زیارەتکاری ئێرانی بۆ عێراق هاتوون
هەڵبژاردەکان بۆ تۆ
ڕێژەی سەوزایی هەولێر 20% تێدەپەڕێنێت
1 کاتژمێر لەمەوپێش
چەوریی جگەر، مرۆڤ تووشی چەندین نەخۆشیی دیکە دەکات
31 تەممووز
ئیمارات بۆ ڕووبەڕووبوونەوەی گەرما فێنککەرەوە لە گۆڕستانەکان دادەنێت
30 تەممووز
پەرەسەندنی تەکنەلۆژیا لە چین؛ سواڵکردنیش بووە بە ئەلیکترۆنی
30 تەممووز
ئەو کەسەی لە هەولێر فێڵی لە خێزانێکی ڕۆژهەڵاتی کوردستان کرد دەستگیر کرا
30 تەممووز
- ژینگە
- 1 کاتژمێر لەمەوپێش
ڕێژەی سەوزایی هەولێر 20% تێدەپەڕێنێت
- ژینگە
- 18 کاتژمێر لەمەوپێش
لە ئاکرێ بەهۆی گەرماوە زیاتر لە هەزار پوورەی هەنگ لهناودەچن
- ژینگە
- 29 تەممووز
پشتێنەی سەوزایی هەولێر دەستپێدەکات