سێ پڕۆژەی كشتوكاڵی بەگوژمەی زیاتر لە سێ ملیۆن دۆلار لە سێمێل جێبەجێ دەكرێن

ئاڤا نیوز

بەشی ڕاگەیاندنی بەڕێوەبەرایەتیی گشتیی وەبەرهێنانی پارێزگای دهۆك ڕایدەگەیەنێت، سێ پڕۆژەی گرنگی كشتوكاڵی بە گوژمەی سێ ملیۆن و 500 هەزار دۆلار لە دەڤەری سێمێل جێبەجێ دەكرێن.

وێنە گەورەکە: بەهۆی گونجاوی دەڤەری سێمێل بۆ چاندنی بەرووبوومە جۆراوجۆرەكان، زۆربەی پرۆژە كشتوكاڵییەكانی پارێزگای دهۆك لەو ناوچەیە جێبەجێ دەكرێن، لەو چوارچێوەیەشدا سێ وەبەرهێنەر بە نیازی خستنەگەڕی سەرمایەكانیان بۆ جێبەجێكردنی پرۆژەی كشتوكاڵی، ڕەزامەندی دەستەی وەبەرهێنانی پارێزگای دهۆكیان وەرگرتووە.

ڕاگەیێنراوی فەرمی: سەبارەت بە وردەكاری پرۆژەكان، بەڕێوەبەرایەتی گشتیی وەبەرهێنانی دهۆك ئاشكرای دەكات، پرۆژەیەك تایبەتە بە چاندنی بەروبووم لەنێو خانووی شووشەیی بە ئامانجی زیادكردنی بەرهەمی ناوخۆ، كە بە گوژمەی ملیۆنێك و 250 هەزار دۆلار جێبەجێ دەكرێت.

پرۆژەی بەدران بەهەمان شێوە چاندنی بەرهەم لەنێو خانووی پلاستیكی لەخۆ دەگرێت و بەهای جێبەجێكردنی پرۆژەكە، ملیۆنێك و 224 هەزار دۆلارە.

پرۆژەی سێیەم و كۆتاییش چاندنی داری فستق و خۆخ و زەیتوون لەخۆدەگرێت و بڕی ملیۆنێك و 136 هەزار دۆلار بۆ جێبەجێكردنی تەرخانكراوە.