عێراق ڕێگایەکی نوێ بۆ گواستنەوەی نەوت و گاز دەدۆزێتەوە

ئاڤا نیوز

 

 سەرۆکوەزیرانی عێراق  داوای لە وەزارەتی نەوت کردووە، لێکۆڵینەوە لە ڕێگەی گەشەپێدان بکەن بۆ بەکارهێنانی لە گواستنەوەی نەوت و گاز دا. 

 

ڕاگەیێنراوی فەرمی: محەممەد شیاع سوودانی، نووسینگەی سەرۆکوەزیرانی عێراق ڕایگەیاند: بەمەبەستی بەکارهێنانی ڕێگەی گەشەپێدان بۆ گواستنەوەی نەوت و گاز، وەزارەتی نەوت ڕاسپێردراوە بۆ ئامادەکردنی رەشنووسێک دەربارەی ئەم بابەتە. 

 

 وێنە گەورەکە : لیژنەی باڵای پڕۆژەی ڕێگای گەشەپێدان ئه‌مڕۆ پێنجشەممە، 30 - 05 - 2024 به‌سه‌رۆكایه‌تی سوودانی  کۆبوونەوەی ئاسایی خۆى، بە ئامادەبوونی وەزیری گواستنەوە،  ژمارەیەک بەرپرس لە وەزارەتەکانی پلاندانان، نەوت، کارەبا، پەیوەندییەکان و ڕاوێژکارانی ئه‌نجامدا.

 

زانیاریی زیاتر : پرۆژەی ڕێگەی گەشەپێدان بریتییە لە ڕێگایەکی وشکانی و هێڵی ئاسنین، عێراق و تورکیا لەگەڵ ئەوروپا و وڵاتانی کەنداو بەیەکەوە دەبەسترێتەوە، بەمەبەستی گواستنەوەی کاڵا و کەلوپەل دروستکراوە.